Insituti Hidrometeorologjik i Kosovës ka parashikuar që sot do të ketë mot me vranësira.
Vranësirat, sipas institutit gjatë ditës do të intensifikohen duke u shoqëruar me reshje shiu dhe shkarkime rrufesh të cilat do të përcillen me erëra të forta.
Komuna e Prishtinës apelon për kujdes gjatë qarkullimit.
“Andaj ju lutemi të keni kujdes gjatë qarkullimit, mos qëndroni pranë një peme ose afër ndonjë shtylle. Qëndroni larg objekteve të larta.
Ju lutemi të keni kujdes të shtuar dhe të paraqitni çdo problem apo shqetësim në numrat e telefonit pa pagesë 0800 1 22 33 dhe 0800 1 22 44!”, thuhet në njoftim.
Një mot i tillë po parashihet të mbajë edhe të enjten dhe të premten.
