Real Madrid thuhet se synon të arrijë një marrëveshje me Kylian Mbappen në janar, përpara se ta nënshkruajë atë falas verën e ardhshme.
Mbappe pati një përplasje me PSG-në në fillim të kësaj vere, ku edhe ishte suspenduar nga klubi për turneun parasezonal në Japoni, transmeton Klankosova.tv.
Ndërsa fituesi i Kupës së Botës nuk donte të nënshkruante një kontratë të re, PSG dëshironte që ai të zgjaste qëndrimin e tij në mënyrë që nëse largohej në 2024, klubi të merrte disa para nga transferimi i tij.
Çështja është zgjidhur përkohësisht, me Mbappe që është kthyer në aksion për PSG-në në fillim të sezonit të ri të Ligue 1 me pesë gola në tre paraqitje deri më tani.
