Real Madrid-i i Carlo Ancelotti-t është kthyer në fushë për javën egjashtëmbëdhjetë të kampionatit spanjoll. Kampionët në fuqi të Spanjë po luajnë në transfertë kundër Villarreal-it.
Madrilenët kryesojnë kampionatin me pikë të barabarta me Barcelona-n dhe synojnë të marrin tri pikët sot për t’u shkëputur përkohësisht nga rivalët katalanas, të cilët do të luajnë nesër kundër Atletico Madrid.
Ndeshja që po luhet në Estadio de la Ceramica ka nisur me një rekord. Real Madrid, në fakt, ka zbritur në fushë me një formacion titullar pa asnjë lojtar spanjoll në një ndeshje të La Liga-s për herën e parë në historinë e klubit.
Për sa i takon ndeshjes, Villarreal ka kërcënuar portën e miqve me Francis Coquelin, goditja të cilit është ndalur nga shtylla, që i ka mohuar një super gol.
Në minutën e 14-të kanë qenë Los Blancos që kanë shkuar afër golit me Karim Benzema, gjuajtja e të cilit ka përfunduar pak sipër traversës. Edhe tentativa e Militao-s në minutën 21-të ka përfunduar për pak jashtë.
