Zërat për një kalim të Ancelottit te Kombëtarja e Brazilit në verë janë shtuar dukshëm javëve të fundit.
Trajneri i Real Madridit po kërkohet me ngulmë nga kombëtarja amerikano-latine, ndërsa raportimet thonë se ata e presin atë t’iu bashkohet këtë verë.
Siç raporton Foot Mercato, Real Madridi tanimë ka kontaktuar me Zinedine Zidanen, ish-futbollistin dhe trajnerin e para disa vjetëve të “mbretërve”.
Los Blancos e sheh Zidanen si zëvendësues të Ancelottit, transmeton lajmi.net.
Carlo Ancelotti ka kontratë valide me Real Madridin deri më 30 qershor të vitit 2024.
Tekniku italian ka pohuar para një kohe në një intervistë se do ta respektojë kontratën me klubin mbretëror, pavarësisht interesimit nga Brazili.
