Ndeshja ndërmjet Trepçës dhe Vushtrrisë është ndërprerë, pasi lojtarët filluan të përleshen me njëri-tjetrin.
Përleshja nisi teksa u ndal një faull për Vushtrrinë, derisa situata doli jashtë kontrollit me tifozët që filluan të hidhnin gjëra në parket, madje disa prej tyre iu bashkuan përleshjes.
Hendbollistët e Trepçës u larguan nga parketi.
Zyrtarët e ndeshjes kanë bërë përpjekje për ta vazhduar ndeshjen, por një gjë e tillë u refuzua nga lojtarët nga Mitovica.
Pas, këtij incidenti ka reaguar edhe klubi i hendbollit, duke thënë se ata u sulmuan.
“Ndërpritet ndeshja në Vushtrri. Sulmohemi pabesisht nga lojtarët, tifozët dhe madje edhe anëtarë të kryesisë së klubit vushtrrias. Policia ishte prezentë, por fatkeqësisht thuajse në rolin e shikuesit. Do të procedojmë në gjykatën kompetente sulmin e realizuar fizik ndaj lojtarëve tanë”, thuhet në njoftim.
