Lista Serbe ka reaguar pas arrestimi të një serbi nga Policia e Kosovës, që dyshohet për sulm ndaj zyrtarëve policor dhe për djegien e disa veturave të serbeve me targa RKS.
Lista Serbe përmes një postimi kanë thënë se institucionet e Kosovës kanë synim të ngacmojnë popullin serb para rifillimit të negociatave në Bruksel.
“Në synimin për të provokuar reagimin e popullit serb në veri të Kosovës, para rifillimit të negociatave në Bruksel, institucionet e Kosovës vazhdojnë të ngacmojnë popullin serb. Në këtë kuptim, sot kanë arrestuar një serb nga Zubin Potok dhe pa asnjë provë e kanë akuzuar për vepra të rënda penale.” – thuhet në reagim.
Nga kjo parti tutje kanë thënë se regjimi i kryeministrit Albin Kurti nuk ka zgjidhur asnjë sulm ndaj serbëve deri më tani, dhe sipas tyre kur serbët do të persekutohen pa prova, Kurti vepron urgjentisht.
“Regjimi i Kurtit nuk ka zgjidhur asnjë sulm ndaj serbëve deri më tani, nga të cilët ka pasur me dhjetëra, por kur serbët do të persekutohen pa prova, ai vepron urgjentisht. Është e qartë se qëllimi i tij është të shkaktojë kaos dhe situata në terren thotë se ai nuk është shumë larg kësaj. Kohët e fundit, Prishtina në synimin e tij për të mashtruar opinionin shkon edhe një hap më tej, edhe në rastet kur serbët janë dëmtuar, ai si i dyshuar, i arreston serbët në mënyrë të pajustifikueshme dhe tenton të sprapsë realitetin në terren duke fshehur fajtorët e vërtetë të sulmit ndaj serbëve.” – thuhet në reagimin e Listës Serbe.
