Albin Kurti, kryeministër i Kosovës, ka reaguar rreth lirimit të tre policëve të Kosovës të cilët ditë më parë u rrëmbyen nga ana e Serbisë, shkruan Gazeta Metro.
Kurti është shprehur i gëzuar për lirimin e tre policëve, megjithatë, ka shtuar ai, rrëmbimi i tyre konsiston në një shkelje të rëndë te të drejtave të njeriut dhe duhet qortuar.
I pari i qeverisë së Kosovës, ka shtuar se agresioni serb duhet të mbajë përgjegjësi.
“Konfirmojmë se 3 policët e rrëmbyer janë liruar. Edhe pse jemi të gëzuar që ata kthehen në familjet e tyre, ky rrëmbim konsiston në një shkelje të rëndë të të drejtave të njeriut dhe duhet qortuar. Agresioni serb duhet të mbajë përgjegjësi”, ka thënë Kurti.
