I dyshuari për vrasjen e 19-vjeçarit mbrëmë në Vushtrri është dërguar në mbajtje dhe ndaj tij, pritet të ushtrohet kërkesa për masën e paraburgimit.
Pas arrestimit, i dyshuari Bleron Dibrani, e ka pranuar veprën për të cilën dyshohet.
Këtë e ka bërë të ditur zëdhënësi i Prokurorisë Themelore në Mitrovicë, Valon Preteni, i cili tha se i njëjti dyshohet se ka kryer veprën penale “Vrasje e rëndë”.
“Është arrestuar një i dyshuar për veprën penale ‘Vrasje e rëndë’, dhe i njëjti me vendim të prokurorit gjendet në ndalim 48 orësh. Është sekuestruar arma me të cilën dyshohet se është kryer kjo vrasje, prokuroria dhe policia janë duke mbledhur provat relevante në lidhje me rastin. Gjatë marrjes së deklaratës i pandehuri e ka pranuar fajësinë për vrasjen”, ka thënë Preteni.
