Mediumi serb “Kosovo-Online” raporton se drejtori i të ashtuquajturës Zyrë serbe për Kosovën, Petar Petkoviq, do të qëndrojë sot dhe nesër në Kosovë.
Petkoviq, raportohet se do të qëndrojë në Kosovë për Pashkët, dhe do të marrë pjesë edhe në liturgjinë e mesnatës së Pashkëve në manastirin e Visoki Deçanit.
Nesër rreth orës 11:00 ndërkaq, ai do të qëndrojë në Manastirin e Draganacit, afër Gjilanit.
Gjatë ditës së djeshme, Petkoviq deklaroi se po pret ende përgjigje nga autoritetet e Prishtinës në lidhje me këtë vizitë.
“Për Pashkë, dua të jem me popullin tim në Kosovë. Jam duke pritur ende për një përgjigje, edhe pse ju e dini si më trajton Prishtina në shumë raste kur është pun ate vizitat. Nuk do të heq dorë kurrë për këto vizita, sepse është detyra dhe puna ime.” – ka thënë ai.
Nuk dihet nëse autoritetet e Kosovës e kanë lejuar ose jo realizimin e një vizite të tillë.
