Shëndeti i presidentit rus, Vladimir Putin është një temë e intensive brenda administratës së Biden, pasi komuniteti i inteligjencës bëri vlerësimin e katërt gjithëpërfshirës në fund të majit.
Raporti i klasifikuar i ShBA-së thotë se Putini duket se është rishfaqur pasi iu nënshtrua trajtimit në prill për kancer të avancuar, thanë për Newsweek tre udhëheqës të inteligjencës amerikane që kanë lexuar raportet, transmeton Klankosova.tv.
Zyrtarët e rangut të lartë, të cilët përfaqësojnë tre agjenci të veçanta të inteligjencës, janë të shqetësuar se Putini është gjithnjë e më paranojak për mbajtjen e tij në pushtet, një status që krijon një kurs të vështirë dhe të paparashikueshëm në Ukrainë.
“Lëvizjet brenda Kremlinit nuk kanë qenë kurrë më intensive gjatë sundimit të tij, të gjithë e ndjejnë se fundi është afër”, kanë thënë ata.
Të tre zyrtarët, një nga zyra e Drejtorit të Inteligjencës Kombëtare, një oficer i lartë në pension i Forcave Ajrore dhe një nga Agjencia e Inteligjencës së Mbrojtjes paralajmërojnë se izolimi i liderit rus e bën më të vështirë për inteligjencën amerikane vlerësimin e saktë të statusit të Putinit dhe shëndetit të tij.
“Ajo që ne dimë është se ka një ajsberg atje, megjithëse i mbuluar me mjegull,” thotë drejtuesi i DNI-së.
