1 Maj i vitit 1990, shënon një datë historike në besatimin e shqiptarëve kundër pushtuesit serb.
Nga kjo datë e deri më sot kanë kaluar plot 33 vjet.
Misioni i veprimtarit të çështjes kombëtare, Anton Çetta, ishte që mes shqiptarëve të mos kishte hasmëri, por të kishte bashkim.
Andaj ai kishte nisur “Pajtimin e Gjaqeve” mes familjeve shqiptare të hasmuara.
Misioni kishte nisur në vendin e quajtur “Verrat e Llukës” në Deçan.
E këtë datë historike e ka kujtuar kryetari i kësaj komune, Bashkim Ramosaj.
Ramosaj e vlerësoi këtë datë si më të rëndësishmen në historinë shqiptare.
“Kuvend ky i cili grumbulloj mbi gjysëm milion shqiptarë, për të përcjellur mesazhin e fuqishëm të bashkimit, unifikimit dhe besatimit të shqiptarëve në rrugën e lirisë, që kulmoj me luftën e Ushtrisë Çlirimtare të Kosovës!”, tha Ramosaj.
