Analisti Gazmir Raci, thotë se ende nuk dihet se çka përmban marrëveshja e Bashkimit Evropian me Serbinë për zgjedhjet në komunat veriore.
Raci, i ftuar në Info Magazine në Klan Kosova, thotë se qeveria nuk ka refuzuar shkuarjen në zgjedhje, por që këto sipas tij, të bëhen sipas legjislacionit në fuqi të Kosovës.
“Qeveria nuk ka refuzuar shkuarjen në zgjedhjet e parakohshmen, por ka insistuar që për të shkuar në këto zgjedhje të parakohshme duhet të jetë e bazuar në legjislacionin në fuqi të Kosovës”.
“Mundësia më reali që të shkohet përmes një peticioni që 20 për qind të trupës elektorale të komunave mund të kërkojnë përmes nënshkrimeve, nga presidentja, komisioni qendror zgjedhor për t’i shpallur zgjedhjet e parakohshme, në mënyrë që të hapet mundësia që të bëhen këto zgjedhje”, u shpreh Raci.
Raci, theksoi se serbwt lokalw nuk duhet tw pengohen nga siç i quan ai ‘strukturat kriminale’.
“Por ne nuk po e dimë se çfarë marrëveshje ka në anën tjetër, po flas për marrëveshjen mes Bashkimit Evropian dhe Serbisë për të garantuar që këto zgjedhje përfundishmisht nuk do të pengohen përmes strukturave kriminale dhe serbët lokalë do të munden të dalin të votojnë, dhe natyrisht që serbët që janë në parti të votohen”.
