Qytetari për magjistralen Mitrovicë-Prishtinë: Për besë nervat na i kanë shkatërruar dhe lutem që Zoti t’i mallkojë
Zvarritja e punimeve në rrugën Mitrovicë-Prishtinë si duket i ka irrituar qytetarët që e frekuentojnë atë rrugë.
Qytetari Gani Maloku u shpreh shumë i mllefosur duke thënë se banorëve të cilët jetojnë përreth iu ishte thënë se përfundimi i asaj rrugë ishte çështje muajsh.
“Për besë nervat na i kanë shkatërruar dhe lutem që Zoti t’i mallkojë. Prej atyre që i kanë filluar punimet e deri tani. Këta na kanë mbytur me këtë rrugë. Paratë ishin të gjitha të siguruara para 10 apo më shumë viteve dhe që tash asgjë nuk kanë bërë. Në kohën kur kanë filluar punimet në këtë rrugë vetë Fatmir Limaj ka dalë këtu, e na tha se kjo rrugë për Mitrovicë, kryhet deri në vjeshtë”, u shpreh ai për Telegrafin.
Qysh në vitin 2009 kishin filluar punimet për ndërtimin e rrugës që lidh Prishtinën, Vushtrrinë dhe Mitrovicën. Mirëpo, edhe tash pas rreth 13 vjetëve punimet janë zvarritur për ndërtimin e kësaj magjistraleje duke mos arritur të finalizohen
