Erden Atiq tashmë është betuar si kryetar i Mitrovicës së Veriut në një seancë solemne sot në këtë komunë e që nisi pak pas orës 11:00. Betimi i tij që ishte shumë i shkurtër, ndërsa ai deklaroi se do t’i kryejë me besnikëri të gjitha detyrat si kryetar i kësaj komune që popullohet me shumicë serbe. Në adresë të Atiqit kanë filluar të shkojnë urimet e para…dhe pothuajse që të gjitha janë nga VV-ja.
Para se të shkruajmë rreth “entuziazmit” të VV-së me betimin e Atiqit, kujtojmë që Atiq, që kandidoi nën siglën e VV-së, u betua në serbisht, por foli edhe pak fjalë shqip, duke e emëruar nënkryetaren e parë.
“Unë Erden Atiq betohem se do të kryej detyrat e mija dhe do ti ushtroj kompetenca e mija si kryetar i komunës veriore, me nder, besnikëri, në mënyrë të pa anshme, me ndërgjegje dhe në pajtim me ligjin në mënyrë që të siguroj kushtet për një jetë të qetë”– deklaroi ai në momenti të betimit.
Ndryshe, nga sot VV-ja barazohet me komuna me AAK-në, pasi të dyjat qeverisin me nga pesë komuna.
Urimet…
E para që e uroi z. Atiqin ishte kolegia e saj nga partia, Fitore Pacolli. Pak minuta, shumë pak minuta, pasi Ati e bëri betimin, Pacolli e postoi një shkrim, duke e uruar për këtë betim tashmë kryetarin e ri të komunës së Mitrovicës së Veriut.
“Të shkoftë mbarë Kryetar Erden Atiq!” – shkroi ajo.
E urim Atiqit i erdhi edhe nga vetë Lëvizja Vetëvendosje, partia e cila e kandidoi atë. Në postimin e VV-së, theksohet se Atiq njihet si qytetar besnik dhe punëtor.
“Erdeni njihet si qytetar besnik dhe punëtor i Republikës. Me aktivizmin e tij për vite me radhë ai ka dëshmuar se është i drejtë, që është me qytetarët, dhe për publikën. Me bindjen që qeverisja e tij do të jetë zhvillmore dhe gjithpërfshirëse, e urojmë atë për pozitën e re, dhe i dëshirojmë punë të mbarë.” – shkruan VV-ja.
Karvanit të urimeve, iu bashku edhe deputetja nga Mitrovica e Jugut, Arjeta Fejza, e cila e uroi shkurt Atiqin.
“Betohet kryetari Erden Atiq!
Puna e mbarë!” – shkroi ajo.
Edhe Erzen Vraniqi, këshilltar i Kurtit, shkroi rreth betimit të z. Atiqin, duke e uruar punë e mbarë.
Ndërsa, Fatlum Sadiku, këshilltar i zëvendëskryeministres Emilia Redzepi, e pati një kërkesë për z. Atiqin.
“Erden Atiq mos u lëkund” – ishte shkrimi i shkurtër i tij.
Ndryshe, procesi i betimit të Atiqit u përcoll me situatë të qetë, duke mos pasur asnjë eskalim të situatës. Në fjalën e tij të parë para mediave, Atiq deklaroi se
“Kërkojmë faljet për kushtet. Jam i kënaqur shumë sot në cilësin e Kryetarit. Sapo e përfunduam solencën e betimit të kryetarit. Dua 2 mesazhe t’i jap. Ne megjithë ekipin, unë si kryetar, shprehi se ed otë punoj për të gjith ëqytetarët e mitrovcisës s ëveriut, poa dallim dhe pa diskriminiim. Angazhimin më të madh për ta normalizuar këtë pjesë të komunës. I thërras te gjithë qytetarët që të vinë të na takojnë, të na vizitrojnë, dhe të bashkëpunojmë, sa më mirë për të gjithë. Jam ne nënkryetaren Haxharqiq, një ekip shumë shpresëdhënëse. Me ne është edhe ministri Elbert Krasniqi.” – deklaroi ai para gazetarëve.
