Qeveria ia ka ndarë 26 milionë e 500 mijë euro Operatorit të Sistemit të Transmisionit dhe Tregut të Energjisë Elektrike të Kosovës (KOSTT) dhe 7 milionë e 775 mijë euro Telekomit, raporton Gazeta Express.
Në një mbledhje elektronike të mbajtur sot, Zyra e Kryeministrit njofton se Qeveria e mori këtë vendim.
KOSTT dhe Telekomi i kishin kërkuar paraprakisht Qeverisë hua deri në 34 milionë e 275 mijë euro.
“Në këtë mbledhje elektronike po ashtu janë miratuar në parim kërkesat e ndërmarrjeve publike për huamarrje deri në 34 milionë e 275 mijë euro (34,275,000.00 euro). Për KOSTT Sh.A. është aprovuar vlera e huamarrjes deri në 26 milionë e 500 mijë euro (26,500,000.00 euro) ndërkaq për Telekomin e Kosovës Sh.A., 7 milionë e 775 mijë euro (7,775,000.00 euro)”, thuhet në njoftimin e ZKM-së.
