Qeveria e Britanisë së Madhe ka përditësuar këshillat për qytetarët e saj që udhëtojnë për në shtetin e Kosovës, veçanërisht në pjesën veriore të vendit, kjo pas tensioneve javëve të fundit.
Në faqen zyrtare të Qeverisë Britanike, qytetarët këshillohen të mos udhëtojnë për në veri, përveç për arsye thelbësore, e sidomos në komunat e Zveçanit, Zubin Potokut, Leposaviqit dhe Mitroviën e Veriut.
“Protestat kanë potencial që të kthehen në të dhunshme, duehet të keni kujdes nëse shihni turma të mëdha njerëzisht të mbledhur, përgjatë tensioneve politikë në qytet. Lexoni mediat locale, flisni me recepsionistët e hotelit për këshilla dhe vazhdimisht përcillni informacionet në këtë faqe.” – thuhet në njoftimin e tyre.
Tutje, Qeveria Britanike përmend edhe tensionet e fundit në pjesën veriore të Kosovës.
“Ka pasur përleshje të dhunshme në veri të Kosovës dhe incididente që kanë përfshirë granata dhe shpërthim të veturave. Keni kujdes dhe shmangni tubimet publike, sidomos pranë urës që ndan Mitrovicën e Veriut dhe atë të Jugut.” – bëhet e ditur tutje.
Çka thanë ambasadat britanike pas tensioneve në veri?
Gjatë së dielës, ambasada e Britanisë së Madhe në Prishtinë dhe ajo në Beograd me anë të një deklarate të përbashkët kërkuan që të hiqen barrikadat ilegale në rrugët që çojnë në dy pikat kufitare në Bërnjak dhe Jarinje.
Kërkesa e përbashkët e ambasadave britanike erdhi pas reagimit të ambasadave të ShBA-së në Prishtinë dhe në Beograd që kanë qëndrim të njejtë.
“Ne presim që të gjitha pengesat ilegale të hiqen dhe t’i jepet fund kërcënimeve, dhunës dhe frikësimit. Ne vlerësojmë dhe mbështesim plotësisht Forcën e NATO-s në Kosovë (KFOR) në punën e saj për të garantuar sigurinë dhe lirinë e lëvizjes dhe kontributin e Misionit të Bashkimit Evropian për Sundimin e Ligjit (EULEX) në mbështetjen e autoriteteve kosovare për sundimin e ligjit. Ne i dënojmë fuqishëm dhe i cilësojmë si të papranueshme të gjitha sulmet ndaj agjencive të sigurisë kosovare dhe ndërkombëtare”, thuhet në reagimin e Ambasadave Britanike duke shtuar se se arrestimi i të dyshuarit për sulm ndaj institucioneve të sigurisë nuk mund të përdoret si arsyetim për vendosjen e barrikadave ilegale. Ky arrestim nuk është justifikim për bllokime të paligjshme të rrugëve, as kërcënime dhe frikësim ndaj autoriteteve kosovare dhe popullatës locale.” – thuhej në reagim.
