Presidenti rus Vladimir Putin ka paralajmëruar se vendet evropiane do të futen në konflikt ushtarak nëse Ukraina i bashkohet NATO-s, pas një takimi me presidentin francez Emmanuel Macron.
Udhëheqësi rus paralajmëroi gjithashtu se nuk do të ketë “fitues” nga kriza që po vazhdon, pas takimit me homologun e tij francez në Kremlin, për bisedimet që ai i përshkroi si të dobishme, thelbësore dhe pak a shumë biznesore, raporton “SkyNews”.
Emmanuel Macron udhëtoi për në Moskë për bisedime mes një mosmarrëveshjeje rreth ngritjes ushtarake ruse pranë kufirit ukrainas.
Pas takimit, Macroni tha se është i sigurt se d’i arrijë disa rezultate, edhe nëse nuk është e lehtë për t’u siguruar, transmeton Zeri.info.
Ndërkohë, në Uashington, presidenti amerikan u takua me kancelaren gjermane për të biseduar për krizën që po zihet.
Në një konferencë të përbashkët për shtyp pas bisedimeve, Putini tha se një sërë idesh të Macronit në lidhje me sigurinë ishin realiste dhe se të dy do të bisedonin përsëri pasi Macroni të udhëtojë në Kiev për të takuar udhëheqjen e Ukrainës.
“Disa prej ideve, propozimeve të tij, për të cilat ndoshta janë ende herët për të folur, mendoj se është mjaft e mundur të vendosim bazën e hapave tanë të mëtejshëm të përbashkët”, tha ai.
“Ne kemi rënë dakord që pas udhëtimit të tij në kryeqytetin ukrainas, do të telefonojmë përsëri njëri-tjetrin dhe do të shkëmbejmë mendime për këtë çështje”.
Putini shtoi se Rusia do të bëjë gjithçka nga ana e saj për të gjetur kompromise që i përshtaten të gjithëve.
Gjatë bisedimeve, Putini i tha Macronit: “Unë e kuptoj se ne ndajmë shqetësimin për atë që po ndodh në Evropë në sferën e sigurisë”.
Macroni bëri thirrje për shtensionim teksa u ul për bisedimet, duke shtuar: “Dialogu është i nevojshëm sepse kjo është e vetmja gjë që do të ndihmojë, sipas mendimit tim, për të ndërtuar një kontekst sigurie dhe stabiliteti në kontinentin evropian”.
Zëdhënësi i Putinit, Dmitry Peskov, e përshkroi vizitën si “shumë të rëndësishme”, por u përpoq të zbusë pritshmëritë, duke thënë se “situata është shumë komplekse për të pritur një përparim vendimtar pas vetëm një takimi”.
Ndërkohë, mijëra kilometra larg në Shtëpinë e Bardhë, administrata e Bidenit shprehu alarmin në rritje për perspektivat e konfliktit ushtarak.
Pentagoni ka paralajmëruar se Rusia po vazhdon të shtojë trupa “të konsiderueshme” përgjatë kufirit me Ukrainën, me një zëdhënës duke thënë se çdo ditë që kalon, Putini po i jep vetes më shumë opsione ushtarake.
Bideni ka kërkuar të forcojë mbështetjen midis aleatëve evropianë për sanksionet ekonomikisht dëmtuese ndaj Rusisë nëse ajo vazhdon më tej me një pushtim.
Amerikanëve – përveç diplomatëve thelbësorë – u është thënë “do të ishte e mençur” që ata të largoheshin nga Ukraina, në mes të kërcënimit ushtarak, pasi Presidenti Biden tha se ai do të urrente të shihte shtetasit amerikanë të zënë në dyluftim.
Gjermania dhe Shtetet e Bashkuara kanë punuar ngushtë së bashku për të siguruar që sanksionet mund të vendosen shpejt, me kancelarin Scholz duke thënë se një pushtim “do të ketë kosto shumë të larta për Rusinë” në një konferencë të përbashkët për media në Shtëpinë e Bardhë.
Ndërkohë, Presidenti Biden paralajmëroi se “nuk do të ketë më Nord Stream 2″, një tubacion vendimtar evropian i gazit nëse Rusia kalon në territorin ukrainas.
Më herët të hënën, sekretari amerikan i shtetit Antony Blinken paralajmëroi: “Do të ketë pasoja reale dhe të thella nëse Rusia zgjedh të vazhdojë agresionin”.
“Ne zhvilluam një reagim të shpejtë me ndikim të lartë që do të shkaktonte kosto masive në ekonominë dhe sistemin financiar rus”.
Veprimet, tha ai, do të përfshijnë sanksione dhe kontrolle të eksportit që do t’i “mohojnë Rusisë teknologjinë që i nevojitet në sektorët kyç”. /Zëri
