Dje Qeveria e Kosovës gjatë një mbledhje të kabinetit qeveritar vendosi t’i shpallë si organizata terroriste dy formacione ilegale serbe “Mbrojtja Civile” dhe “Brigada e Veriut”.
E vendimi i Qverisë së Kosovës, i nënshkruar nga kryeministri Albin Kurti, është publikuar sot në media.
Në këtë vendim, theksohet se këto dy organizata ilegale shpallen si terroriste për të ruajtën sigurinë kombëtare, rajonale dhe globale.
“Bazuar në informatat, analizat, vlerësimet dhe rekomandimet e institucioneve të sigurisë, grupet dhe/apo entitetet e përcaktuara në pikën 1. të këtij Vendimi përbëjnë rrezik dhe kërcënim për sigurinë, rendin kushtetues si dhe paraqesin kërcënim terrorist apo kërcënim për kryerjen e veprave terroriste në territorin e Republikës së Kosovës”, thuhet në pikën dy të këtij vendimi.
