Ministria e Shëndetësisë ka njoftuar se në 24-orët e fundit janë infektuar 13 persona.
Në raportin 24-orësh të MSh-së, njoftohet se nuk është shënuar asnjë rast i vdekjes, ndërsa nga koronavirusi janë shëruar 6 qytetarë.
Njoftimi i plotë:
28 Dhjetor 2021: Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon:
Në 24 orët e fundit janë dhënë 967 doza të vaksinës kundër COVID-19.
Prej fillimit të vaksinimit në të gjitha qytetet e Kosovës janë dhënë 1.666.180 doza të vaksinës.
Deri më sot 780.596 qytetarë janë vaksinuar me dozën e dytë.
Nga 2.628 testime, 13 qytetarë kanë rezultuar pozitiv me virusin COVID-19.
Gjatë 24 orëve të fundit, nuk është shënuar asnjë rast i vdekjes.
Sot janë shëruar 6 qytetarë, derisa numri i përgjithshëm i të shëruarve është 158.016.
Në total numri i rasteve aktive është 350.
