Bekim Kupina këshilltar i presidentes Vjosa Osmani, ka publikuar shpenzimet e të parës së shtetit dhe kabinetit të saj.
Sipas këtyre të dhënave ka ulje të harxhimeve nga buxheti për të gjitha kategoritë, krahasuar me vitet e tjera, që nga viti 2013.
“Racionalizimi i shpenzimeve është parimi kryesor që e ka ndjekur Presidentja Osmani që nga dita e parë, fillimisht në Kuvendin e Kosovës e më pas në Presidencë. Sa më racionale shpenzimet, më të mëdha mundësitë që paratë e taksapaguesve të orientohen në vende adekuate!” thuhet në një postim në Facebook të Kupinës.
Derisa thotë se asnjë cent nuk është shpenzuar dosido.
“Në vazhdimësi dhe si asnjëherë më parë ka pas interesim të mediave dhe shoqërisë civile për shpenzimet e Presidentes Vjosa Osmani dhe kabinetit. Po i bëjmë publike ato, jo vetëm për ta përmbushur kriterin e transparencës, por edhe për ta dëshmuar gatishmërinë për llogaridhënie për mënyrën e shpenzimit të parave të taksapaguesve.”
