Profesori universitar dhe njohësi i Kushtetutës, Mazllum Baraliu, ka renditur arsyet se pse shkelet shpeshherë Kushtetuta e Kosovës.
Përgjigja e tij vjen një ditë pasi Kushtetuta e Kosovës mbushi 15 vjet qysh nga miratimi i saj, më 2008.
Kushtetuta përveç nga dy ish-presidentët Fatmir Sejdiu e Behgjet Pacolli, është shkelur edhe nga disa ministra të Qeverisë Kurti.
Megjithatë, Baraliu thotë se njëra prej arsyeve që shkelet Kushtetuta është është mungesa e traditës në drejtësinë kushtetuese dhe mungesa e dijes.
“Ne nuk kemi traditë por nuk kemi dije ndoshta, sepse shpeshherë i marrim gjërat me lehtësi e mendje lehtësi e herën tjetër me ters, kur po thamë i marrim po mendoj segmentet e caktuara institucionale, qeveri, ministri të ndryshme”, u shpreh ai sonte për Tëvë1.
Ai foli edhe për ndryshimin eventual të Kushtetutës që mund të kërkohet si rezultat i një marrëveshjeje finale me Serbinë, u shpreh se nëse kjo veç ndodhë, atëherë “duhet të hiqen bllokadat që vijnë nga Lista Serbe dhe votimi i së cilës për disa ligje të rëndësishme është i pashmangshëm”.
