Prokurorja e Përgjithshme e Luizianës, Liz Murrill, ka folur për mediat për sulmin në New Orleans dhe i tha NBC News se ajo mund të thotë “me njëfarë sigurie se ka shumë njerëz që janë të përfshirë”.
Hetuesit më herët thanë se besojnë se i dyshuari i New Orleans nuk ishte “i vetëm përgjegjës” për sulmin që la të vdekur 15 persona e 35 të plagosur, shkruan BBC.
Ajo gjithashtu i tha NBC News se pajisjet shpërthyese të lidhura me sulmin dyshohen nga hetuesit se janë bërë në një Airbnb të marrë me qira nga individët e përfshirë. Autoritetet nuk kanë arrestuar asnjë tjetër në lidhje me sulmin.
Murrill ka sugjeruar që Sugar Bowl duhet të shtyhet më tej, deri të premten.
Ndeshja vjetore e futbollit universitar, e cila ishte planifikuar për të mërkurën në mbrëmje në qytet, tani për tani është shtyrë për të enjten.
