Prokurori Filippo De Minicis tha se gjykimi ndaj Pjetër Shalës është kryer drejt dhe ishte transparent, e po ashtu nuk ka pasur anësi.
“Trupi gjykues ka kryer gjykim të drejtë dhe transparent, duke mos treguar anësi por pragmatizëm edhe sa i takon vlerësimin e besueshmërisë së dëshmitarëve”, tha ai.
Ai tha se parashtrimet e mbrojtjes ishin vetëm përsëritje e dosjes së tyre të apelit.
Veç kësaj, prokurori tha se dëshmitarët e ZPS-së kanë dhënë dëshmi koherente dhe konsistente sa i takon pranisë së Shalës në Fabrikën e Metalit në Kukës.
“Dëshmitarët e ZPS-së kanë dhënë dëshmi koherente dhe konsistente sa i takon dallimit në Fabrikë dhe pranisë së zotit Shala atje”, tha ai.
Ai sërish përsëriti se procesi gjyqësor ka qenë i drejtë dhe në përputhje me ligjin dhe rregulloret
“Procesi gjyqësor ka qenë i drejtë dhe në përputhje me ligjin dhe rregulloret”, tha ai.
Filippo De Minicis thotë se trupi gjykues është i mbështetur në dëshmitë e Shalës vetëm për konfirmim në vendimin e vet.
“Trupi gjykues është mbështetur në këtë dëshmi vetëm për konfirmim në vendimin e vet”, tha ai./Betimi për Drejtësi
