Ish-drejtori i drejtorise publike civile të Zones operative te Pashtrikut, prof.dr Sabahajdin Cena, të gjithë besimtarëve u’a ka uruar Festën e Krishtlindjes, ai si ka harruar edhe dëshmorët e familjet e tyre, transmeton /Gazeta Papirus/
NJË URIM VËLLAZËROR-
Të nderuara familje të dëshmorëve: Dominik Përgegaj, Gaspër Karaqi, Pal Paluca, Mark Lleshi, Kolë Lleshi,Pend Lleshi, Memë Lleshi, Nikë Hajdari, Françesko Bider, Mark Malota, Gjergj Sokoli, Leonard Paluca, Kolë Mirdita, Zef Gjokaj, Tomë Gjokaj, Nikollë Dedaj, Paliard Pierre e Mark Sopjani, e ju të nderuara familje të martirëve të Mejës e të Korenicës, dëshiroj që Shën Kollin ta keni pritur dhe përcjellur mirë dhe tash jeni në prag të Festës së Madhe të Krishtlindjes.
Më vjen keq për të gjithë Ata që nuk do t’i keni në sofrat dhe vatrat tuaja, por keni durim e krenari sepse ishin bijtë tuaj dhe vëllezërit tanë, prandaj edhe urojmë që gjatë kësaj feste
të pranohen të gjitha lutjet tuaja drejtuar Zotit i cili do të kujdeset për të gjithë dhe do t’ua shtojë dashurinë juve që jeni këtu, t’ua japë të mbarën atyre që i keni në kurbet, të vinë mirë në këtë ditë të madhe që të kremtojnë së bashku me tërë gjirin familjar dhe Krijuesi t’ua shpërblejë burrërinë dhe qëndresën që patët për bijtë tuaj, sot dëshmorë të kombit e mburrje për tërë shqiptarinë.
Urojmë që Zoti të na dërgojë të mbarën të gjithë shqiptarëve dhe ta ndërtojmë shtetin ashtu siç e deshën të bijtë tuaj të nderuar
para kombit dhe para Zotit andaj edhe do t’i gëzohen Parajsës së merituar.Pra, paqë në Parajsë dëshmorëve dhe viktimave të Kosovës e Juve,të gjithë besimtarëve ua urojmë Festën e Krishtlindjes.
LAVDI DËSHMORËVE DHE MARTIRËVE!
PËR SHUMË MOT KRISHTLINDJA!
