Pritjet e gjata në kufirin mes Kosovës e Serbisë kanë vazhduar edhe ditën e shtunë.
Qendra Kombëtare për Menaxhim Kufitar ka njoftuar se në Merdar për të dalë pritjet e qytetarëve janë mbi dy orë, e për të hyrë deri në gjysmë ore.
Kurse, në pikën te Dheu i Bardhë për të dalë po presin deri në një orë.
Një orë ka pritje edhe në Muçibabë e Jarinje.
Përgjatë javëve të fundit, nga fluksi i mërgimtarëve që për pushime vinë në Kosovë, pikat kufitare kanë qenë të ngarkuara. Në disa ditë, ata kanë qenë të detyruar të presin deri në gjashtë orë për shkak të ngarkesës.
