prof.Sabahajdin Cena
PRITA AFËR PLANESË DHE
PESË HOTJANË NGA KRUSHA
E MADHE IV
H I D A I S A H O T I
(3.01.1976 -3.12.1998)
Me daljen publike të Ushtrisë Çlirimtare të Kosovës, në fshatrat e Anadrinit, Hida Hoti së bashku me shumë studentë të tjerë nga Krusha e Madhe bëhet krah i komandantit Xhelal Hajda-Toni e Selajdin Mullabazi – Mici. Kështu, plejada e studentëve të Krushës së Madhe ,ku bënin pjesë: Hida Hoti, Ismet Hoti, Sedat Hoti, Sinan Hoti, Isak Hoti, Bekim Gashi, Dalip Behra, Ismail Gashi, Enver Duraku,
Fitim Duraku ,Shukri Hoti, Sami e Agim Nalli, dhe shumë studentë të tjerë, sot të gjithë dëshmorë të kombit, radhitet në vijat e para të frontit të zjarrtë buzë Drinit të Bardhë të njohur si Front i Anadrinit prej nga më vonë evoluoi Brigada 124 “Gani Paçarizi” e Zonës Operative të Pashtrikut.
Kështu, më 3-4 dhjetor të atij viti të përgjakshëm të Pashtrikut, të Anadrinit e të Kosovës, nënë-Vezirja dhe i ati Isaja, e përcollën Hidanë, i cili si student i ndërtimtarisë, pati ëndërruar projekimin e godinave, urave e kalave për Kosovën martire, por në ditët kur Kosova thërriste “O sot, o kurrë!”,Hidaja braktisi amfitatrot, indeksin
dhe projektet e në vend të tyre mori malet, pushkën dhe këngën e lirisë të cilën nuk arriti ta përfundojë as Hidaja e as rapsodi Muhamet Malësori.
ISMET HOTI
PRITA AFËR PLANESË DHE
PESË HOTJANË NGA KRUSHA
E MADHE V
(31.12.1975 -3.12.1998
Dalja publike e UÇK-së ,në Drenoc të Rahovecit, mblodhi pas vetes edhe shumë studentë të Anadrinisë, të cilët ishin të angazhuar në Lëvizjet Ilegale të kohës, pasi ishin brymosur nga ideologu i çështjes shqiptare Ukshin Hoti ” Bëje ose Vdis”
Ismet Hoti ,një djalosh i heshtur ishte i pandarë me Hida Hoti, pasi ishin edhe djem xhaxhallarësh ,kështu u rriten bashkë studiuan bashkë, dhe ju bashkuan luftës së bashku, duke u sistemuar te komandant Mensur Zyberaj-500, fillimisht e te komandant Skender Gashi në Sopniq , ku edhe përfunduan stervitjet ushtarake ,për të kaluar deri te Toni e Mici.
Ismet Hoti, ëndërronte të bëhej një jurist në Kosovën e lirë, por lufta për çlirim ishte mbi të gjitha, kështu gjatë kethimit nga Shqipëria në dimrin e acartë të vitit 1998 ,prita afër Planese ja shuajti ëndërrën e tij ,që sot e gëzojn shumë breza të rinj në Liri.
