Një person është gjetur pa shenja jete në një lokal në rrugën “Muharrem Fejza” në Prishtinë.
Rasti ka ndodhur mëngjesin e sotëm.
Indeksonline ka kontaktuar policinë, nga ku ka marrë konfirmimin se bëhet fjalë për një viktimë, dhe se rasti po kosniderohet si vdekje e dyshimtë.
Zëdhënësja e policisë për rajonin e Prishtinës, Flora Ahmeti, pohoi se viktima është një mashkull 46 vjeçar.
“Rreth orës 08:00, kemi pranuar informatën për një person pa shenja jete në një lokal në rrugën Muharrem Fejza në Prishtinë. Policia dhe ekipi mjekësor menjëherë kanë dalë në vendin e ngjarjes, ku nga ekipi mjekësor është konstatuar vdekja e personit mashkull 46 vjeç. Aktualisht policia me kujdes të shtuar ka nisur hetimin e rastit si vdekje e dyshimtë dhe po ndërmerr të gjitha veprimet e duhura hetimore dhe ato forenzike – të ekzaminimit, që do të ndihmonin hetimin e ngjarjes si dhe sqarimin dhe ndriçimin e plotë të rastit” ka deklaruar Ahmeti.
Indeksonline ju sjell pamje nga vendi i ngjarjes.
