Një rast i rëndë ka ndodhur dje në një familje në Prishtinë, ku një person dyshohet se ka ushtruar dhunë ndaj nënës së tij.
Sipas informacioneve të para viktima e ka denoncuar rastin në Polici, ku ka deklaruar se pas një konflikti me të birin 19-vjeçar, i njëjti e ka sulmuar fizikisht, duke i shkaktuar lëndime trupore, por edhe frikë e shqetësim.
Bazuar në dëshminë e nënës, mosmarrëveshja mes tyre nisi pasi ajo dyshonte se djali ka vjedhur gjësende nga shtëpia dhe i ka shitur.
Si rezultat i denoncimit, Policia ka arritur ta arrestojë të dyshuarin dhe i njëjti është shoqëruar në stacion policor për intervistim.
Me urdhër të Prokurorit të Shtetit, i riu është dërguar në mbajtje dhe rasti është iniciuar si ‘Dhunë në familje’.
