Rastet kur Policia e Kosovës sekuestron armë pa leje nuk janë edhe të pakta në vendin tonë. Një rast i tillë ka ndodhur sot ne dy rajone të ndara.
Sipas informacioneve të para nga Policia e Kosovës, bëhet e ditur se në Prishtinë dhe Lipjan janë arrestuar tre persona të dyshuar, shkruan GazetaPapirus.
Në Prishtinë është arrestuar 34-vjeçari me inicialet B.D, tek i cili pas një kontrolli janë gjetur një armë zjarri, një karikator dhe dy fishekë.
Ndërsa në Lipjan, 39-vjeçari me inicialet V.R, po ashtu edhe i dyshuari tjetër M.R 61-vjeçar, janë arrestuar për veprën penale “Kanosje”, rast ky i cili është raportuar dje rreth orës 16:00.
Gjithashtu konfirmohet se 61-vjeçarit i është iniciuar edhe një rast tjetër për mbajtje në pronësi, kontroll ose posedim të paautorizuar të armës.
Të njëjtit, i janë sekuestruar edhe një pushkë gjuetie me leje të skaduar dhe 4 fishekë./GazetaPapirus/
