Prishtina Parking vazhdoj te i gjobitë qytetarët të cilët i parkojnë veturat e tyre në zonat që ajo i ka nën menaxhim, raporton Gazeta Papirus.
Rastet kur veturave të qytetarëve iu vendosen bllokadat në rrota janë të shpeshta dhe të përditshme, shumë herë edhe të padrejta, shkruan Gazeta Papirus.
Ndonëse Prishtina Parkingu e ka në tabelën e parkingut njoftimin se vetura mund të qëndroj e parkuar për 120 minuta dhe klienti njoftohet 10 minuta para skadimit të faturës, një njoftim i tillë nuk gjendet në tabelë e që i njofton qytetarët se kur futet në fuqi minutazhi i parkingut.
Nëse 10 minuta më parë njoftohesh për skadimin e pagesës së parkingut, sigurisht do të duhej që edhe në tabelë të shkruante se pagesa për parking bëhet brenda 10 minutave.
Një qytetarë sot është gjobitur sot nga Prishtina Parking dhe iu është bërë bllokada në rrota. Ai është gjobitur dyfshi, fillimisht iu është marr pagesa përmes dërgimit të SMS-së dhe më pas përmes bllokadës së rrotave të veturës./Gazeta Papirus/
