Sonte do të zhvillohet finalja e dytë e “Play-off”-it mes Trepçës dhe Yllit.
Tashmë ka filluar shitja e biletave për këtë ndeshje dhe një numër i madh i tifozëve është parë duke pritur për të siguruar një biletë.
Mirëpo, për shkak të turmës së madhe, Policia e Kosovës ka përdorur sprej lotësjellës për të larguar turmën.
Interesimi i madh për këtë ndeshje duket se ka zënë organizatorët dhe Policinë e Kosovës të pa përgatitur.
Përballjen e parë e fituan therandasit me rezultat 63:62, me tre pikëshin në fund nga Henrik Sirko, ndërsa skuadra që shënon tri fitore shpallet kampion i Kosovës.
Para ndeshjes, klubi mitrovicas Trepça ka njoftuar tifozët e saj se hyrja në palestër do të bëhet vetëm përmes një bilete, pa marrë parasysh moshën.
