Policia e Kosovës ka njoftuar se ka arrestuar dy persona të dyshuar për shtënie më armë në rrugën “Zahir Pajaziti” në Podujevë.
Sipas njoftimit të Policisë, të dyshuarve pas kontrollit të kryer me urdhër të prokurorit dhe gjyqtarit të procedurës paraprake, i janë gjetur “tri armë zjarri, tre karikatorë dhe 35 fishekë.”, shkruan Gazeta Online Reporteri.net.
“Sekuestrimi i armëve është bërë pas kontrollit të kryer me urdhër të prokurorit dhe Gjyqtarit të procedurës paraprake, të vendbanimit të personave të dyshuar, një ditë pas raportimit për të shtëna me armë (në ajër), në rrugën “Zahir Pajaziti” në Podujevë.”, thuhet në njoftimin e Policisë.
Ndaj personave të dyshuar janë iniciuar raste për përdorim të armës dhe mbajtje në pronësi, kontroll ose posedim të pa autorizuar të armëve.
