Forca të shtuara të Policisë së Kosovës kanë dalë sot në kryeqytet.
Kjo pasi që sipas burimeve të lajmi.net, policia ka informacione se dikush ka planifikuar djegien e flamurit maqedonas.
Policia është stacionuar pikërisht në pjesët ku këta flamuj janë vendosur.
Sipas informacioneve të lajmi.net, në terren janë edhe inspektorët edhe kryeshefat e sektoreve.
Ndërkaq që tri patrulla janë stacionuar vetëm tek rruga “Agim Ramadani”.
Arsye e vendosjes së flamujve maqedonas në kryeqytet është vizita e nesërme e presidentit maqedonas, Stevo Pendarovski.
Policia e Kosovës ndërkaq ende s’ka dhënë detaje në lidhje me këtë.
