Policia e Kosovës ka konfirmuar se alarmi për bombë në Stacionin e Autobusëve në Prishtinë ishte i rrejshëm.
Zëdhënësja e Policisë së Kosovës, Flora Ahmeti ka thënë se nuk është gjetur asgjë e dyshimtë, shkruan lajmi.net.
Ajo ka thënë se rasti është klasifikuar si lajmërim i rrejshëm.
“Informata është trajtuar nga ana e policisë. Pas kontrolleve të kryera nga njësitet kompetente, nuk është gjetë asgjë e dyshimtë. Hetuesit policor në koordinim me prokurorin e shtetit, kanë filluar punën për zbardhjen e të gjitha rrethanave që ndërlidhen me këtë rast i cili është cilësuar si lajmërim i rrejshëm”, ka thënë Ahmeti për lajmi.net.
Pas përfundimit të kërkimeve, Stacioni i Autobusëve i është kthyer normalitetit.
Mbetet të shihet nëse policia do ta zbardhë këtë rast pasi që është hera e tretë që dikush po e lajmëron rrejshëm policinë për bombë.
