Policia e Kosovës ka kërkuar ndihmën e qytetarëve për identifikimin dhe arrestimin e disa personave që dyshohen për vjedhje dhe grabitje.
Përmes një postimi në faqen zyrtare të Policisë në Facebook, janë publikuar edhe fotografitë e të dyshuarve.
“Njësiti i hetimeve të përgjithshme në Prishtinë, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin dhe arrestimin e personave që shihen në fotografi. Personat kërkohen për Grabitje dhe Vjedhje të rënda”, shkruhet në postim.
Policia iu ka bërë thirrje qytetarëve që për çdo informatë që mund të çojë në identifikimin e të dyshuarve apo vendodhjes së tyre, të kontaktoni policinë në numrin e telefonit: 192.
