Policia e Shtetit në Shqipëri ka goditur një grup të strukturuar kriminal që rekrutonte shtetase nga Kina dhe i dërgonte në Shqipëri, për t’i shfrytëzuar për prostitucion.
Në kuadër të operacionit policor, u arrestua një anëtar i grupit, ndërsa janë shpallur në kërkim 2 organizatorët.
Po ashtu, janë proceduar penalisht 7 shtetase nga Kina.
”Finalizohet operacioni policor i koduar “Storm”, pas një hetimi 4-javor me metoda proaktive.
Operacioni, nga Sektori për Hetimin e Trafiqeve të Paligjshme, në bashkëpunim me Prokurorinë e Durrësit.
Goditet një grup i strukturuar kriminal që rekrutonte shtetase nga Kina dhe i sillte në Shqipëri, për t’i shfrytëzuar për prostitucion.
Vihet në pranga një anëtar i grupit, shpallen në kërkim 2 organizatorët dhe procedohen penalisht 7 shtetase nga Kina.
Specialistët e Sektorit për Hetimin e Trafiqeve të Paligjshme të Drejtorinë Vendore të Policisë Durrës, pas një hetimi njëmujor me metoda proaktive, në bashkëpunim me Prokurorinë e Durrësit, për veprat penale “Shfrytëzimi i prostitucionit” dhe “Prostitucioni”, finalizoi operacionin policor të koduar “Storm”, i cili u zhvillua në lagjen nr.13, Plazh, Durrës”, thuhet në njoftimin e Policisë së shtetit.
