Policia e Kosovës ka njoftuar për një cenim të përcaktimit të lirë të votuesit.
Ngjarja ka ndodhur në Zubin Potok.
Tashmë janë arrestuar katër persona.
“CENIM I PËRCAKTIMIT TË LIRË TË VOTUESVE
Zubin Potok / 08.02.2025 – 14:00. Janë arrestuar kate të dyshuara femra kosovare për shkak se të njëjtat dyshohet se e kishin thirrur në telefon një ankues/k, dhe i kishin kërkuar ta votojë një subjekt politik, në të kundërtën do t’ia ndalnin ndihmën sociale. Në cilësi të provave materiale gjatë kontrollit objektin e Qendrës për Punë Sociale në Zubin Potok janë sekuestruar një aparat telefonik dhe listat me emrat dhe numrat e personave që dyshohet se janë kontaktuar me qëllimin e njëjtë. Në konsultim me prokurorin pas intervistimit të dyshuarat janë dërguar në mbajtje” – ka njoftuar PK-ja.
