Një pjesëtar i Policisë së Kosovës ka mbetur i vdekur si pasojë e plagëve të marra sonte në Kaçanik.
Lajmin për Klankosova.tv e ka konfirmuar zëdhënësi i policisë për rajonin e Ferizajt, Kanun Veseli, i cili tha se polici fillimisht ishte plagosur në hyrje të ndërtesës së tij.
“Më 01.04.2025, rreth orës 23:00, kemi pranuar një informacion se një person është plagosur dhe gjendet në gjendje të rëndë në hyrje të ndërtesës së tij, në rrugën “Idriz Seferi” në Kaçanik”.
“Viktima është një pjesëtar i Policisë së Kosovës Në vendngjarje, përveç njësive policore, ka dalë edhe ekipi i emergjencës së Kaçanikut, të cilët e kanë transportuar në Qendrën e Mjekësisë në Kaçanik”, tha Veseli për Klankosova.tv.
Klan Kosova merr vesh nga burimet e veta se viktima është polici Muhamet Lika.
Sipas Veselit, deri më tani nuk dihen akoma shkaqet se si ka ardhur deri te kjo ngjarje.
