Policia e Kosovës njofton se ka ndaluar tri automjete me targa vendore dhe një me targa suedeze. Vozitësit ishin meshkuj kosovarë, raporton Gazeta Papirus.
Sipas Policisë, në veturat e tyre ishin gjetur 70 paketa me gjithësej 700.000 filtera të cigareve që i kishte sjellur një person nga Novi Pazari i Serbisë.
Njoftimi i Policisë
TREGTI E NDALUAR
Fsh. Koshtovë, Leposaviq 12.07.2023 – 22:10. Njësiti policor ka hasë dhe ndaluar tri automjete, dy prej tyre me targa vendore dhe një me targa Suedeze me ngasës meshkuj kosovarë. Gjatë kontrollit në automjete është konstatuar se kishin pas të ngarkuara 70 paketa me gjithsejtë 700.000 filtera të cigareve të cilin mall e kishte sjellë një person nga Novi Pazari – Serbi deri në fshatin Soqanicë – Leposaviq dhe më pas të dyshuarit e kanë ngarkuar në automjete me destinacion Mitrovicën. Me urdhër të prokurorit dy automjete janë sekuestruar dhe dorëzuar në doganë, kurse automjeti i tretë së bashku me të dyshuarit janë liruar në procedurë të rregullt.
