Një person është kapur sot nga Policia, pasi i njëjti po kërkohej me urdhëresë të Gjykatës Themelore në Pejë, raporton Gazeta Sinjali.
Sinjali mëson se ndaj të dyshuarit ishte shqiptuar aktvendimi për shkak të veprës penale ‘Mashtrim’ dhe i njëjti ishte dënuar me burgim në kohëzgjatje prej 40 ditësh.
Pas arrestimit, 41-vjeçari është dërguar në Gjykatë, ku ka bërë shndërrimin e dënimit në gjobë me të holla dhe më pas është liruar.
