Kreu i qeverisë kroate, ka thënë se në një kohë kur në disa vende të Ballkanit janë shënuar demonstrata të forta dhe ku ndikimi rus është i pranishëm, është tepër e nevojshme për të “diskutuar situatën në Ballkanin Perëndimor në Këshillin e ardhshëm Evropian”.
Ai ka përmendur Bosnje-Hercegovinën , Serbinë , Kosovën , Malin e Zi , Shqipërinë dhe Maqedoninë e Veriut, të cilat, sipas tij, “janë të gatshme të përshpejtojnë integrimin e tyre në BE”.
Megjithatë, ai bën thirrje për kujdes, meqë ka një situatë politike të cilës duhet t’i kushtohet vëmendje.
”Ka një situatë politike dhe tensione që Evropa duhet t’i kushtojë më parë vëmendje. Ne duhet të veprojmë për stabilitet, të mbështesim forcat politike që janë për stabilitet dhe integrim evropian”, ka thënë Plenkoviq.
