Familja Thaçi nga Buroja ka hapur dyert për homazhe pranë arkivolit të Haxhi Thaçit, babait të ish-presidentit Hashim Thaçi, i cili ndërroi jetë më 16 mars – shkruan Gazeta Papirus.
Në palestrën “Ilaz Kodra” në Skenderaj, ku po mbahen homazhet, që nga orët e para të mëngjesit kanë ardhur shumë qytetarë për të nderuar të ndjerin dhe për të shprehur ngushëllime familjes.
Në këtë ceremoni ishin të pranishëm figura si Kryetari i Nismës Socialdemokrate, Fatmir Limaj i cili në Librin e Zisë kishte shkruar “Njeriu me vlera të larta njerëzore”.
Pjesë e homazheve në Skenderaj ishte edhe Sylejman Selimi.
Në homazhet që po mbahen për të ndjerin Haxhi Thaçi, prezent janë edhe vëllëzërit e ish-kryeparlamentarit Kadri Veseli.
Homazhet do të vazhdojnë deri në orën 12:00, pas së cilës do të mbahet mbledhja komemorative, ndërsa varrimi i Haxhi Thaçit do të bëhet në orën 15:00, në varrezat e fshatit Burojë, Skenderaj./GAZETAPAPIRUS
