Kryetari i Prishtinës, Përparim Rama sot ka dalë në kryeqytet, me ç’rast ka bërë të ditur se është i pakënaqur me nivelin e pastërtisë në Prishtinë.
Ai ka thënë se do të marrë masa të mënjehershme për të pastruar ambientin, shkruan Gazeta Papirus.
Kujtojmë se, lidhur me gjendjen jo të mirë të hapësirave të gjelbërta, Gazeta Papirus ka raportuar javë më parë, për arsye se kompania “Hortikultura” kishte pauzuar duke mos kryer obligimet.
Sipas burimeve të Papirus “Hortikultura”, kishte pezulluar punën për faktin se nuk u janë dhënë rrogat punëtorëve.
LEXO:
Parku i qytetit “vlon” nga mbeturinat, ndërmarrja publike bojkoton punën
Pas raportimit të Gazeta Papirus, pastrohet Parku i Qytetit dhe parqet tjera nga mbeturinat
Ndryshe, kryetari Përparim Rama u shpreh sot se kanë porositur mbi 1 mijë kontenjerë dhe 8 kamionë të mëdhenj, si dhe janë duke i shikuar mundësitë tjera për përmirësim të ambientit në Prishtinë.
Postimi i plotë:
Sot, së bashku me drejtorin e Shërbimeve Publike Ilirik Musliu, Kryeshefin Ekzekutiv të Kompania Regjionale “Pastrimi” Sh.A, Petrit Reçica dhe Kryeshefen Ekzekutive të NPL„Hortikultura” sh.a – Prishtinë, Nora Cimili Gagica, shikuam për së afërmi gjendjen në terren.
Situata e pastërtisë ?në Prishtinë nuk është e mirë e po ashtu edhe e hapësirave të gjelbra☘️?.
U pajtuam për masa të reja të menjëhershme për të ngritur nivelin e pastërtisë në kryeqendrën e vendit.
Pikërisht për këtë kemi porositur 1400 kontejnerë të rinj, po ashtu edhe 8 kamionë të mëdhenj si dhe jemi duke e shikuar mundësinë e shtimit të kapaciteteve dhe ekipeve tjera për sanimin e problemit ?☘️?.
Tashmë draft – rregullorja ? e re për menaxhimin e mbeturinave do të jetë në diskutim publik për 30 ditët e ardhshme, qytetarët mund të japin komentet e tyre për këtë dokument të rëndësishëm për kryeqytetin.
?Lus të gjithë qytetarët dhe bizneset për bashkëpunim të ngushtë që së bashku të gëzojmë kryeqytetin ashtu si e meritojmë të gjithë.
#prishtinaepastërdheegjelbër
/Gazeta Papirus/
