Komuna e Drenasit ka bërë të ditur se janë përkujtuar dëshmorët Musli Nebih Demaku dhe Driton Musli Demaku.
Në një postim në Facebook, komuna bën të ditur se në nderim të sakrificës sublime për lirinë e atdheut, në varrezat e dëshmorëve në fshatin Abri, janë mbajtur homazhe për dëshmorët Musli Nebih Demaku dhe Driton Musli Demaku.
“Kryetari i Komunës së Drenasit, Ramiz Lladrovci, së bashku me bashkëpunëtorë, ka bërë homazhe dhe ka vendosur lule pranë varrezave të dëshmorëve, duke shprehur mirënjohje të thellë për veprën dhe sakrificën e tyre në shërbim të lirisë së vendit”, thuhet në njoftim.
