Ambasadorët e shteteve të QUINT-it janë larguar nga ambientet e Qeverisë pas takimit me kryeministrin Albin Kurti. Ambasadorët nuk janë prononcuar për media.
Takimi ndodhi një ditë pasi ambasadorët e QUINT-it nuk shkuan në pritjen zyrtare të organizuar nga presidentja Vjosa Osmani për të festuar 12 qershorin, Ditën e Çlirimit të Kosovës.
Express mëson se kryeministri Kurti pritet të dalë sot në orën 11:00 në konferencë për media. Me ç’rast mund të bëhen të ditura detaje për takimin e sotëm i cili raportohet se u zhvillua për situatën e krijuar në Veri.
Nuk dihet nëse gjatë ditës së sotme do të arrihet ndonjë marrëveshje për situatën në Veri mbi bazën e kërkesave të SHBA’së dhe BE’së.
