Një delegacion i Partisë Demokratike të Kosovës i kryesuar nga nënkryetarja Vlora Çitaku, anëtari i Kryesisë Adri Nurellari, nënkryetari i Komunës së Prizrenit Kujtim Gashi, sot kanë bërë homazhe në Kompleksin Memorial në Korishë të Prizrenit për të nderuar viktimat e një prej ngjarjeve më të trishta të periudhës së luftës në Kosovë.
“24 vite më parë, në Korishë 77 civilë shqiptarë u vranë nga bombardimet e NATO-s, pasi kolona e refugjatëve, të cilët ishin nisur në drejtim të Shqipërisë, u përdor dhunshëm nga forcat serbe si mburojë”.
“Ky proces i montuar, shpërfaq edhe një tjetër aspekt të mizorisë gjenocidale të pushtuesit serb, në vazhdën e krimeve të shumta të kryera në vendin tonë. Kosova nuk do të ndalet së kërkuari drejtësi!”, ka njoftuar PDK-ja.
