Roma ka shënuar fitore ndaj Spezias për të siguruar ‘biletën’ për në Ligën e Evropës, derisa Juventusi edicionin tjetër do të luajë në Ligën e Konferencës pavarësisht fitores kundër Udinese.
Roma zhvilloi një ndeshje dominuese duke triumfuar në fund me rezultat 2:1.
Mysafirët kaluan të partë në epërsi me anë të Dimitrios Nikolaou që shënoi me kokë pas një harkimi fantastik.
Roma arriti të këndellet duke barazuar rezultatin me anë të Nicola Zalewskit në fundin e pjesës së parë (43’).
Roma kishte edhe disa mundësi shënimi për ta përmbysur rezultatin mirëpo assesi s’ia arritën t’i finalizonin.
Kur mendohej se ‘romakët’ do bien në pozitën e shtatë, ishte Paulo Dybala që bëri heroin duke qenë i saktë nga pika e bardhë.
Pas kësaj fitre, Roma e mbyll sezonin si pozitë e gjashtë me 63 pikë derisa Spezia i shpëton rënies duke qenë në vendin e 17-të me 31 sosh.
Juventus gjithashtu ka shënuar fitore në udhëtim te Udinese, me rezultat minimal 0:1.
Hero i “Zonjës së Vjetër” ishte Federico Chiesa me një gol të bukur pas një asistimi të Manuel Locatellit.
Pavarësisht kësaj fitore, Juventus përfundon si pozitë e shtatë me 62 pikë dhe edicionin tjetër do të luajë në Ligën e Konferencës.
