Ministri i Jashtëm i Greqisë, Nikos Dendias, po qëndron sot për vizitë në Kosovë, ku është takuar me liderët politikë, duke përfshirë këtu edhe presidenten Vjosa Osmani.
Zyra e presidentes Osmani ka shpërndarë disa fotografi nga ky takim, ku shihet se janë vendosur edhe flamujt e dy shteteve, Greqisë dhe Kosovës
Por, edhe pse po e presim njohjen nga ky shtet, fotot ku shihet flamuri i Kosovës nuk e ka parë të arsyeshme kryediplomati grek që t’i publikojë edhe në llogarinë e tij në Twitter.
Ai madje edhe i ka prerë ato, që të mos duket flamuri i Republikës së Kosovës.
Kryeministri Albin Kurti dhe Ministrja e Jashtme e Kosovës, Donika Gërvalla – Schwarz, vazhdimisht i kanë kërkuar njohjen Greqisë, por këta të fundit janë duke qëndruar të rezervuar në deklarata rreth një çështje të tillë.
Ndërkohë, presidentja Osmani po ashtu e ka diskutuar edhe çështjen e njohjes sot me Dendias, duke thënë se kjo do të thellonte edhe më shumë bashkëpunimin mes dy vendeve.
Kohë më parë, Gërvalla pas një vizite që kishte në Greqi deklaroi se “nuk e lusin” këtë shtet që ta njoh Kosovën”.
