Drejtori i ORCA-s, Rron Gjinovci, ka shkruar se pas denoncimit nga kjo organizatë, punimi shkencor i Ardian Kastratit dhe Enver Dugollit është larguar nga revista ku këta dy kishin publikuar punimin Diplomacy Through the Ages of Histori: Theorotical Analysis of the Concept” më 2017.
Gjinovci në një postim në Facebook ka shkruar se heqja e punimit nga kjo revistë është verifikim ndërkombëtar i plagjiaturës.
Verifikim ndërkombëtar: PLAGJIATORË! Revista ku e kanë publikuar punimin plagjiat Dugolli e Kastrati, pas ofrimit të dëshmive nga ORCA, e ka tërhequr atë”, shkruan ai.
Kastrati dhe Dugolli punimin e kanë publikuar më 207 në revistën “Analele Universitatii Din Craiova-Seria Istorie”.
Më 2021 Organizata për Rritjen e Cilësisë në Arsim kishte akuzuar për plagjiaturë dy profesorët e këtij Universiteti, Bujar Dugollin dhe Ardian Kastratin.
Nga ORCA në atë kohë kishin treguar se kishin pranuar një denoncim anonim për plagjiaturë në punimin ‘Diplomacy Through the Ages of Histori: Theorotical Analysis of the Concept”, me autorë Ardian Kastrati dhe Bujar Dugolli, i publikuar në vitin 2017.
Në raportin e ORCA-s thuhet se, Ardian Kastrati në vitin 2020 dhe Bujar Dugolli në vitin 2018, ishin avancuar duke e përdorur punimin në fjalë. Dhe vetëm falë këtij punimi, ata kanë arritur ta plotësojnë numrin e punimeve shkencore të nevojshme për avancim në pozitat e tyre aktuale, profesor asistent Ardian Kastrati dhe Bujar Dugolli në pozitën profesor i rregullt.
Ndaj akuzave të ORCA-s kishte reaguar edhe Bujar Dugolli. Ai në Facebook kishte shkruar se artikulli i është nënshtruar rregullave të recensionit të fshehtë dhe sistemit të antiplagjiaturës.
Ai kishte shtuar se punimi për të cilin u akuzua nga ORCA trajton fenomene që praktikohen gjerësisht në punime shkencore dhe shumë njerëz bëhen lehtë pre e emaileve anonime./Paparaci.com
