Qeveria e Albin Kurtit po tenton t’i lë jashtë rritjes së pagës minimale mijëra veteranë të Ushtrisë Çlirimtare të Kosovës.
Kjo mospërfshirje i detyroi ata sot që të protestojnë para Kuvendit të Kosovës, shkruan Demokracia.com.
Me përkrahjen e opozitës, veteranët e UÇK-së e shënuan një fitore përballë pushtetit edhe në Kuvendin e Kosovës.
Askush nga Qeveria dhe as nga deputetët e pozitës, nuk dolën sot para ish-ushtarëve të UÇK-së.
Por, përderisa Kurti i injoron veteranët që luftuan për çlirimin e Kosovës, ai i simpatizon hapur disa ushtarë në anën tjetër të botës.
Kryeministri i Kosovës, Albin Kurti, i cili edhe vetë e gëzon statusin e veteranit të UÇK-së dhe tani po tenton të mos i përfshijë ish-ushtarët në rritjen e pagës minimale, muaj më parë kishte shfaqur admirim dhe simpati për presidentin Zelensky dhe luftëtarët ukrainas, të cilët po e mbrojnë vendin e tyre përballë agresionit rus.
“Jam në të njëjtën kohë i shokuar, por jo edhe i befasuar, sepse Federata Ruse, më saktësisht Kremlini, kanë paralajmëruar që ky invazion nga Rusia – ky agresion ushtarak – do të ndodhë dhe me grumbullimin e trupave në kufirin lindor të Ukrainës e dinim se ushtria e tyre do të marshojë kundër popullit të Ukrainës. Që nga fillimi e kemi dënuar këtë pushtim dhe kemi shprehur admirimin, solidaritetin, simpatinë dhe empatinë me luftën për liri të popullit të Ukrainës dhe presidentit Zelenski. Prandaj, ne shpresojmë për të mirë dhe në të njëjtën kohë marrim pjesë në sanksionet që BE-ja dhe ShBA-të kanë vendosur ndaj Federatës Ruse”, ka thënë Kurti në televizionin zviceran Blick TV.
Realisht, ushtria ukrainase ia ka dalë të qëndrojë përballë agresionit rus për shkak të mbështetjes botërore politike dhe ushtarake, e cila UÇK-së i kishte munguar deri në fillimin e bombardimeve të NATO-s.
